健康快活人: 北歐之旅-芬蘭-聖誕老人村,愛沙尼亞

旅行前預備
http://blog.yahoo.com/_Z37WI37UYMUKL7PHID2L5PNIGM/articles/973077/category/%E5%8C%97%E6%AD%90%E6%A5%B5%E5%85%89%E4%B9%8B%E6%97%852013

如果真係見到極光, 當然好想影低, 上網/找書搵資料, 都係建議要用單鏡反光機~ 不過考慮了一輪, 覺得價錢、重量等方面比較下, 無鏡反光相機功能差不多, 輕d又平d, 仲有其他功能 (例如自拍、影全景), 於是就入手了一部Sony Nex-5~ 而最後證明真係要買, 因為其他團友用普通相機真係影唔到 (不過用單鏡反光機的團友影得再靚啲...)

北歐 (作者: 地球步方編集室): 這本的資料很仔細, 例如衣、食、住、行都教哂, 又教埋點樣影極光, 不過圖片可能就細D~~

北歐之旅(1): 羅凡尼米、聖誕老人村

我們第一個景點就是羅凡尼米(Rovaniemi)的極地中心及省立博物館 (Arktikum)~~ 內裡有很多關於拉普蘭地區 (Lapland)的資訊及展品, 有點似科學館+博物館, 不過內容全是英文, 真的要花時間看~ 是一個可以了解這裡風土人情的好地方~~ 不過最吸引的一定是以下這個:

就是模擬北極光展覽室, 真係可以入去瞓喺地下睇模擬北極光的動畫~~ 雖然不是真的, 不過個個都好有興趣~~ 另外又睇了一套記錄片, 當中也有不少極光照片~~~

之後就去到聖誕老人村 (Santa Claus Village & Post Office)~ 未參觀之前先到村內餐廳吃午餐~~

之後就是參觀聖誕老人村~~

上圖見到有幾支柱托住的, 就是代表踏入北極圈的"鐵線"~~ 原來不知不覺就到了北極圈的邊緣~~

聖誕老人的工作室, 這裡就可以找他拍照了~~

點解只係影咗入口呢?~ 因為入咗去"工作室"是不可以自行拍照, 只可以同聖誕老人影相,係euro25一張, euro49就有2張相(soft copy)加一隻紀念USB手指...諗落得2個人同佢影相真係幾貴, 那些相又只係坐定定影咁, 所以考慮了一輪, 都係將聖誕老人記在心裡啦~~ 他的樣子真的好慈祥的~~~

除了聖誕老人影相區, 仲有2間店舖, 其中一間是iittala outlet, 這個是芬蘭有名的玻璃及陶瓷工藝品牌, 雖然它的製品不是全芬蘭製造, 但是芬蘭設計, 而且outlet會有些減價物品, 於是都買了一些~~ 其實村內仲有一間marimekko的店舖, ~ 行完就去了郵局寄信啦~~ 是這裡另一個必做活動~~

這裡有2個郵筒, 放入黃色的就是即日寄出, 放入紅色的就是每年聖誕節才寄出~~ 我們2個都有擺明信片~~~ 放了入黃色郵筒的明信片, 去完旅行就收到了~ 希望今年聖誕節可以收到另一張~~~

到了羅凡尼米市中心~~ 酒店附近有幾個商場, 有很多不同類型的貨品, 有些團友都有買北歐的保暖用品~~~ 上圖呢間就是百貨公司, 什麼都有~~ 另外超級市場都是買手信的好地方, 真係平少少, 不過最平的地方是愛沙尼亞

這些就是今日的收獲~~ 暖墊就是看到blog友推介買的~~ 真係平d~ 另外就是買了aarikka的產品~~ 這個芬蘭品牌的木製品是芬蘭製作, 是不錯的記念品, 但真係唔平架~~

北歐之旅(2): 破冰船、冰雪堡壘

見到破冰船的真面目~~ 這架就是三寶號 (Sampo)~~ 是一架已退役、現在為觀光用的破冰船~~ 外表看來好似好新, 其實它已經有四、五十年歷史~~~

去玩浮在冰海的活動~~就是穿這種衫~~ 好大件又重, 所以著的時候要工作人員幫手, 而且場面其實好混亂

去到凱米 (Kemi) 的冰雪堡壘 (snow castle)

之後我們就在冰餐廳食晚飯~~ 枱櫈都是用冰做的, 不過應該有特別處理過, 所以用手摸都唔會溶, 櫈就有鹿皮包住~~ 坐喺度其實幾凍, 幸好有得食飯, 唔係愈來愈凍架~~

北歐之旅(3): Husky拉雪撬、玻璃酒店、北極光

Husky Dog Farm (哈士奇狗養殖場)

每次可以有4個人一齊坐~~ 牠們拉得好快, 一個圈唔駛3分鐘就坐完~~ 仲以為會玩耐d~~

出發去卡士洛定倫 (Kakslauttanen)的玻璃酒店 (Glass Igloo Village)~~ 從羅凡尼米要3個多小時車程才到~~ 去到已經天黑了~~

每間玻璃屋都有2張床, 斑馬紋被 (不過床單都係白色~~)~~ 入面仲有個小小洗手間, 亦有個小花灑, 如果真係要沖涼都勉強可以, 至於大浴室(公眾浴室)又係喺接待處小屋, 真係有d唔方便, 不過要起到呢啲玻璃屋, 設備都唔可以太講究~~ 有地方有床有暖氣已經好好~~就是這個玻璃天幕, 令到住客可以在室內觀賞極光~~ 不過要熄哂燈先得~~ 唔熄燈, 其他人都可以見到你的一舉一動, 所以都要小心

影吓滿天星星的夜空~~ 可能唔係單鏡反光機, 影出來就是一個個白點, 實景望到的星空是繁星處處, 閃吓閃吓, 有團友仲見到流星, 真係要完全冇光害先睇得到

我們由晚上9點多看到幾乎凌晨1點, 每次都是先在小屋入面睇住個天, 見到有極光就出去擺腳架影低, 影到咁上下就要返入屋, 因為長時間喺室外真係好凍, 一定要在小屋休息一下~~ 我們估外面有零下30度, 真係第一次喺咁凍嘅地方留咁耐, 但能夠見到奇景真係畢生難忘~~

如果想知道如何影極光, 仲可以看看這個網站: http://www.douban.com/note/214080982/

另外, 除了去芬蘭之外, 其實有幾個國家都可以睇到北極光:

仲有, 如果等緊極光嘅時候, 仲可以趁住戶外好凍, 可以玩不同的小遊戲 (不過我們都唔記得咗玩, 因為掛住睇極光~~):

北歐之旅(4): 馴鹿拉雪橇

這次一隻馴鹿拉2個人, 速度都唔慢
坐內陸機去赫爾辛基 (Helsinki)
北歐之旅(5): 赫爾辛基

其實就是旅行團去赫爾辛基必到的"岩石教堂" (Temppeliaukio Church

有去過的朋友可能都知道, 外表普通, 但係入面真係幾宏偉, 岩石的牆身, 圓木屋頂, 加上有一隊樂園在練習, 雖然是現代設計, 但仍然有神聖的感覺~~

這個是芬蘭著名作曲家西貝流斯的紀念碑 (Sebulius Monument)~ 他是芬蘭國歌的作者, 亦有很多著名作品, 所以就為他建了這個紀念碑

這間是赫爾辛基大教堂 (Helsingin tuomiokirkko)~~ 白雪蓋著, 真不知道它的屋頂是綠色

真想不到這是一條愛情橋 (Bridge of Love)~~ 難怪上面有很多個鎖~~ 都是大家祈望有永遠愛情的見證~~

之後入到一間手信店, 竟然見到姆明的專層~~ 這裡不是真的Moomin Shop, 但這裡的精品仲多過真的Moomin Shop~~ 仲有一幅姆明的壁畫~~ 影低做"手信"~~ 呢間手信店叫"Kankurin Tupa", 有姆明專櫃的是市中心那間 (地址: Pohjoisesplanadi 35), 我們住的酒店(Hotel Grand Marina)也有一間, 不過細好多~~ 市中心呢間除咗姆明專層, 仲有一個地庫, 好多聖誕老人同聖誕老人村的手信, 不過價值就貴少少~~ 但個人覺得這間店可以買到很多不同的手信, 不錯~~

這是赫爾辛基火車站, 是另一個著名建築~
北歐之旅(6): 塔林古城、里加夜景
愛沙尼亞 (Estonia) 的首都塔林 (Tallinn)~~

參觀世界文化遺產: 塔林古城~~ 唔知係咪因為要參觀古城, 所以當地特別派一個識講國語的導遊介紹沿途的景點~~ 我們先去座堂山區 (Toompea), 屬於上城區的範圍, 第一個景點就是通比亞城堡, 是愛沙尼亞議會的辦公地方~~

塔林聖母主教座堂 (Tallinna Neitsi Maarja Piiskoplik Toomkirik), 是古城入面最古老的教堂~~

其實真係唔係睇咗好多, 不過又係時候要坐車去拉脫維亞的首都里加~~

如果大家有興趣, 可以看看其他網友關於塔林的介紹:

http://www.wretch.cc/blog/reminsu/11644036

http://life.newscandinaviandesign.com/?p=701

http://lala7chloe.pixnet.net/blog/post/33760521-%5B%E5%8C%97%E6%AD%90%5D-day-8%CB%99%E6%84%9B%E6%B2%99%E5%B0%BC%E4%BA%9E-%E5%A1%94%E6%9E%97%CB%99%E5%BD%B7%E5%BD%BF%E7%A9%BF%E8%B6%8A%E6%99%82%E7%A9%BA%E5%9B%9E

http://tw.myblog.yahoo.com/iy-blog/article?mid=30205&prev=30206&next=30140&l=f&fid=149

http://pastk.blogspot.hk/2012/02/blog-post.html#!/2012/02/blog-post.html

自由紀念碑 (the Freedom Monument)~~ 自由女神手上的3粒星就是代表拉脫維亞3個地區~~

市政廳廣場 (Ratslaukums square)

這幢看來似教堂的建築物, 其實係一間"私人會所", 叫"the House of Blackheads"~~ 它的外形真係見所未見~~

聖彼德大教堂 (St. Peter's Church)~~ 它有座很美的高塔, 如果夠時間, 上去高塔可以望到漂亮的里加市風景, 不過跟團就是沒有時間哩

里加的中央市場 (the Central Market)~~ 導遊說是體驗當地人的生活, 就當開開眼界~~

坐郵輪去瑞典~~

大家可以參考其他網友關於里加的介紹:

http://www.wretch.cc/blog/reminsu/11646098

http://jesstsai.pixnet.net/blog/post/24913025-%5B%E6%B3%A2%E7%BE%85%E7%9A%84%E6%B5%B7%E2%80%A7%E5%BE%A9%E6%B4%BB%E7%AF%80%5D-%E6%8B%89%E8%84%AB%E7%B6%AD%E4%BA%9E%E2%80%A7%E9%87%8C%E5%8A%A0%E7%9A%84%E7%A5%9E%E5%A5%87%E9%BB%91

http://tw.myblog.yahoo.com/fuhy1225/article?mid=32673

http://blog.xuite.net/betty.eric/betty/42053438-%E6%8B%89%E8%84%AB%E7%B6%AD%E4%BA%9E%E3%80%82%E7%B9%BD%E7%B4%9B%E9%87%8C%E5%8A%A0

http://tw.myblog.yahoo.com/fuhy1225/article?mid=32585&prev=32673&next=32516

北歐之旅(8): 斯德哥爾摩

這間是藍廳, 又是設計得很漂亮, 水晶燈很華麗, 是諾貝爾獎頒獎禮舉行晚宴的場地

這裡就是整個市政廳最金碧輝煌的地方: 黃金大廳, 是舉行諾貝爾獎宴會的地方~~ 牆上的馬賽克壁畫有不同的意思, 例如生老病死、聖經中的七種美德、瑞典的歷史等等~~

這幢建築物真有點俄羅斯的風格~

15分鐘可以影到d咩? 就係咁多...不過有得影相都好過冇, 所以我們都好想第時有機會再來, 最好係自由行添, 咁就可以鍾意睇咩就睇, 唔駛受制於"行程"~~

坐了幾個小時旅遊巴, 就去到一個中途站: 嘉斯達 (Karlstad), 因為今晚住的酒店是在這裡~~ 行程沒有多說這個是什麼地方, 只是說它是一個湖畔小鎮, 後來拿了一本當地的旅遊小冊子, 原來它是瑞典Varmland地區的一個大鎮, 是去挪威首都奧斯陸 (Oslo) 必經的地方之一, 另外就係如果坐車去挪威, 邊境位置有間退稅及換錢的地方, 大家在那裡退稅係可以即時取錢, 所以難怪旅行團不辭勞苦都要行呢條路線, 就是方面大家退稅~~ 如果有興趣知道Varmland同Karlstad, 可以看看這個網站:http://www.varmland.se

如果有興趣看看其他網友的斯德哥爾摩介紹, 可以看看他們的網站:

http://www.vitaiwan.se/modules/news/article.php?storyid=17

http://www.wretch.cc/blog/angela3119/31306667

http://blog.yam.com/Edithhuang/article/44014837

http://barbie99.pixnet.net/blog/post/16708655-%E5%8C%97%E6%AD%90%E6%B0%B4%E5%9F%8E~%E6%96%AF%E5%BE%B7%E5%93%A5%E7%88%BE%E6%91%A9

http://jesstsai.pixnet.net/blog/post/24800813-%E6%A5%B5%E5%85%89%E4%B9%8B%E6%97%85-(3)----%E6%96%AF%E5%BE%B7%E5%93%A5%E7%88%BE%E6%91%A9%E7%9A%84%E5%B9%B3%E6%B0%91%E7%BE%8E%E9%A3%9F

北歐之旅(9): 奧斯陸

由嘉斯達(Karlstad) 繼續坐車去挪威(Norway) 的首都奧斯陸(Oslo)~

到了奧斯陸~~ 首先當然是觀光時間~~ 我們去了著名的韋格蘭雕塑公園 (Vigeland Park), 入面的所有雕塑都是由韋格蘭先生親自製作及設計, 都是關於人生百態、生老病死等主題, 很厲害~~ 另外公園內的風景亦很不錯~~