空姐去旅行 | 教你點揀行李箱

未入行前，我曾經中過伏，用了千元港幣買一個軟膠行李箱去旅行，貪佢顏色是港女最愛的 Tiffany Blue！點知，到達目的地後，在行李輸送帶等著我的，卻是個「脫臼」Tiffany！其中一個轆幾乎脫落！

入行之後，每次番工要用喼，，放假去旅行又係帶喼！對於買行李箱，我的心得絕對比買手袋的多！哈哈！

#01：硬殼VS布質

硬殼真的較實淨？

自己就是一個活生生例子，行李箱被托運後遭粗魯對待，到埗後成個轆差唔多甩晒出嚟，所以硬殼都未必真的好用。我會覺得硬殼行李箱比較重，去旅行上上落落會較吃力。如果一定要買硬身的，我推介 Rimowa，出名輕身，又撞唔爛。自己冇用過，身邊不少空姐空少，甚至機師都係揀 Rimowa，佢哋話，真係好好推同埋硬喼嚟講算輕身！呢個牌子係德國製，去德國比香港買，便宜 3-4 成，所以我去親德國，都會收到好多朋友落 order！

布質會遭人割開？

個人比較喜歡布質的行李箱，因為大多款式都可以用拉鍊擴充厚度，不論番工定旅遊，買多咗嘢都唔怕，尤其我大部分情況只用 20 吋喼！有聽說過用布喼容易俾人偷嘢，個人看法，就是不論用什麼行李箱，都不要放太多貴重物品寄艙。大部份布質的也較輕身，我自己用過頗多品牌的軟喼，對 Samsonite 的印象不錯，至少它陪伴我遊歷完大半年後還一樣的好用！布質的也很好打理，弄髒了濕布擦擦就可以了！

#02：行程內容決定行李箱尺寸

其實隨便上網查一下，便可以看到各類教你幾多日用幾吋喼。

總結如下：

• 1-2日：18-20 吋
• 3-6日：22-26 吋
• 7 日以上：27-32 吋

大部份時間，我其實都是用我的小黑走天涯，身高 20 吋，4 個轆，很輕身實淨，手柄位很
實在，不會「鬆飄飄」就甩的感覺。原因是我懶得換行李箱，加上覺得一個小黑夠我去一趙
如台灣等東南亞城市。以上教你用幾吋喼的方法我會覺得不夠個人化。誇張一點的例子，明
星去登台出 show，就算只是一兩天，可能寄艙好幾個大喼，原因是他有很多服裝等。所以說
，用幾多吋喼，應該是根據你的行程內容和個人習慣為準則。以我自己為例，我也喜歡購物，
不過我有自家一套行李打包術，所以我去過咁多地方，也從未試過失手，行李超重。有機會
我再分享一下我是如何打包的。

情景1： 出差／行程中沒購物／目的地冇嘢買

如果只是出差 1-2 日，行李比較少，可以帶 20 吋嘅行李箱，以便帶埋上機，不用托運行李咁麻煩；就算是 3-4 日去鄰近國家嘅行程，特別是夏天，也可以試試看！太多人旅行時帶太多出門，其實有很多東西是多餘的，還是那句，有機會我再分享我的獨門執行李技巧！

情景2： 5 日以上的旅行

外遊 5 日以上要帶嘅行李，特別是衣物，都比較多！如果到當地會購物，就需要較大尺寸的行李箱！記得要留意航空公司托運行李嘅規定，唔好塞爆喼搞到超重啊！

情景3：留學／長期居留

長期居留？就更需要揀選放入行李的物品喇，因為帶嘅行李箱愈大，你就會不自覺帶好多物品去，所以要諗清楚邊啲一定要帶、邊啲去到再買過都得。個人建議是，如果目的地都係發達國家，大部份香港有嘅嘢，嗰度都可以買到，可以唔使帶。又或者，先寄一部份物品到目的地，減少行李的重量！