Airbnb已經在旅人界爆紅咗一段時間，Airbnb有齊世界各地民宿，選擇多兼價錢平，最重要住宿大部份是當地人屋企，設計唔似酒店咁一式一樣，甚至廚房、洗衣機都有，夠哂屋企Feel，所以好多人都鍾意用！不過最令大家頭痕嘅係，佢就好似旅遊版Uber，於多個國家都引起咗許多合法性的爭議。咁到底用佢訂房有咩要注意，必睇三大疑問大拆解！
Q1.啲民宿屬非法經營？
A：絕對有可能！經營民宿一般要向政府申請，以日本為例，《旅館業法》寫明民宿一定要有牌照，證明設施夠安全，先算合法。但日本國家旅遊局話，現時Airbnb上的民宿應該多數都無牌，屬違法經營。部份歐美國家雖會彈性處理，但始終唔容許無牌民宿合法化。而Airbnb只係一個網上平台，人人都可以擺間屋上去放租，有無牌都無王管，所以有機會揀到非法民宿。
Q2.住客有咩自保貼士？
A：以下4點，要好好記住：
1.訂之前問清楚屋主有無拎牌，無就要諗過先啦！
2.出發前講低民宿地址俾屋企人聽，有咩事都可以追查。之前有人試過俾變態屋主禁錮，但警察唔知地址會好難救人。
3.記得刨晒住客嘅點評，再上屋主Facebook望下，睇下佢係咩人先好訂佢間屋。
4.其實Airbnb有隊攝影組，專幫民宿影相，照片都會有Airbnb水印，證明屋主無偷圖呃你，所以揀呢類民宿會比較有保障！
1.訂之前問清楚屋主有無拎牌，無就要諗過先啦！
2.出發前講低民宿地址俾屋企人聽，有咩事都可以追查。之前有人試過俾變態屋主禁錮，但警察唔知地址會好難救人。
3.記得刨晒住客嘅點評，再上屋主Facebook望下，睇下佢係咩人先好訂佢間屋。
4.其實Airbnb有隊攝影組，專幫民宿影相，照片都會有Airbnb水印，證明屋主無偷圖呃你，所以揀呢類民宿會比較有保障！
Q3.住無牌民宿出事，保險有無得賠？
多間保險公司都話住Airbnb唔算犯法，所以唔會因此而喪失保障。昆士蘭保險表示，政府條例主要針對無牌民宿的營運者，但入住者未必算犯法，所以如果發生意外，有買旅遊保仍可按條款索償。不過AXA安盛就建議大家揀返有牌民宿，始終有法例規管會安心啲。
沒有留言:
張貼留言