新鞋刮腳有辦法

相信唔少人都試過買新鞋返嚟，第一次著都會刮腳，小朋友鞋仔有時都會發生相同情況，即使對鞋係幾千蚊嘅名牌都一樣刮腳，咁點算好？新鞋最容易刮腳的地方，一個是腳踭，一個是腳指公外側，喺網上見到幾個令新鞋唔刮腳嘅方法，大家不妨參考吓!

1. 用濕毛巾在新鞋刮腳的地方敷幾分鐘，然後再用乾毛巾包實刮腳位置，用槌仔揼幾下，記得揼嘅時候要平整，咁樣就唔會刮腳。

2. 拎張報紙捲成一團，濕少少水，但又要成團都濕到水，然後再拎張乾報紙包住濕咗嘅報紙，塞喺刮腳嘅位置，然後將對鞋密封喺膠袋一晚。

3. 如果新鞋買番嚟(尤其係網上買鞋冇得換)太細夾腳，可以用濕毛巾加鞋楔將鞋撐大。

4. 著新鞋之前可以用番梘、凡士林或者蠟燭，喺同腳跟接觸最多嘅部分輕輕抹一層，鞋踭就會變得光滑唔會刮腳了!